સેન્સેક્સ 800 પોઈન્ટનું ગાબડું, આ 10 શેરોમાં થયું ભારે નુકશાન, લાખો કરોડ ધોવાયા

સપ્તાહના પહેલા દિવસે સોમવારે શેરબજારમાં એવું તોફાન આવ્યું કે બોમ્બે સ્ટોક એક્સચેન્જના 30 શેરોવાળા સેન્સેક્સમાં 800થી વધુ પોઈન્ટનો ઘટાડો થયો. સેન્સેક્સની જેમ નિફ્ટીમાં પણ તીવ્ર ઘટાડો જોવા મળ્યો હતો અને 1 ટકાથી વધુના ઘટાડા સાથે બંધ થયો હતો. ઈરાન અને ઈઝરાયેલ વચ્ચે ચાલી રહેલા યુ દ્ધ વચ્ચે આ મોટા ઘટાડાથી 10 કંપનીઓના શેરને ભારે નુકસાન થયું છે.

શેરબજારના રોકાણકારો માટે સોમવાર ખૂબ જ ખરાબ દિવસ સાબિત થયો. BSE સેન્સેક્સ 73,315.16ના સ્તરે ખૂલ્યો હતો અને બપોરે 3.30 વાગ્યે બજાર બંધ થયા પછી તે 845.12 ટકાના ઘટાડા સાથે 73,399.78ના સ્તરે બંધ થયો હતો. સેન્સેક્સની સાથે નિફ્ટી 50 પણ 246.90 પોઈન્ટના ભારે ઘટાડા સાથે 22,272.50 પર બંધ થયો હતો અને સોમવારે સવારે 9.15 કલાકે 22,339.05ના ઘટાડા સાથે ખુલ્યો હતો.

સોમવારે શેરબજારમાં થયેલી ઉથલપાથલ વચ્ચે જે 10 શેરોમાં સૌથી વધુ ઘટાડો થયો હતો તેની વાત કરીએ તો, મુકેશ અંબાણીની કંપની જિયો ફાઇનાન્સિયલ સર્વિસિસના શેર, જે લાર્જ કેપ કંપનીઓમાં સામેલ છે, 4.81 ટકા ઘટીને રૂ. 354.30 પર બંધ થયા હતા. જ્યારે ગૌતમ અદાણીની કંપની અદાણી ગ્રીન એનર્જીનો શેર 3.66 ટકા ઘટીને રૂ. 1815 પર બંધ થયો હતો. આ સિવાય IRFCનો શેર 3.48 ટકાના ઘટાડા સાથે રૂ. 140.25 પર બંધ થયો હતો.

હવે મિડ કેપ શેરોની વાત કરીએ તો, SJVN સ્ટોક 5.08 ટકા ઘટીને રૂ. 124.20 પર બંધ થયો, મેક્સ હેલ્થકેરનો સ્ટોક 4.26 ટકા ઘટીને રૂ. 833.35 પર અને મહિન્દ્રા ફાઇનાન્સિયલ 4.17 ટકા ઘટીને રૂ. 290.80 પર બંધ થયો.

સ્મોલ કેપ કંપનીઓના શેર પણ ખરાબ રીતે તૂટ્યા હતા અને ઘટતા બજારમાં શરૂઆતથી અંત સુધી લાલ નિશાનમાં ટ્રેડ થતા જોવા મળ્યા હતા. આમાં સૌથી મોટો ઘટાડો NBCC (INDIA)નો હતો જે 5.73 ટકા ઘટીને રૂ. 125.95, KEC ઇન્ટરનેશનલ 5.71 ટકા ઘટીને રૂ. 704.10 અને કેસ્ટ્રોલ ઇન્ડિયાનો શેર 5.66 ટકા ઘટીને રૂ. 210.80 પર બંધ થયો હતો.

શેરબજારમાં ઈરાન અને ઈઝરાયેલ વચ્ચે વધેલા તણાવની અસર કેટલીક કંપનીઓના શેર પર પણ જોવા મળી રહી છે. ગૌતમ અદાણીની કંપની અદાણી પોર્ટ્સ પણ આમાં સામેલ છે. હકીકતમાં, અદાણીનું ઇઝરાયેલ સાથે ખાસ જોડાણ છે અને આ કંપની ત્યાં મોટો બિઝનેસ ધરાવે છે. વર્ષ 2022માં જ, અદાણી પોર્ટ્સ અને SEZ (APSEZ)એ સંયુક્ત સાહસમાં ઇઝરાયેલના હાઇફા પોર્ટના ખાનગીકરણ માટે ટેન્ડર જીતી લીધું હતું. આ ટેન્ડર લગભગ 1.8 બિલિયન ડૉલરનું હતું. આ સાહસમાં અદાણી પોર્ટનો 70 ટકા હિસ્સો છે. સોમવારે અદાણી પોર્ટ શેર 2.06 ટકા ઘટીને રૂ. 1316.50 પર બંધ થયો હતો.

(નોંધ: શેરબજારમાં કોઈપણ રોકાણ કરતા પહેલા, તમારા બજાર નિષ્ણાતોની સલાહ ચોક્કસ લો.)

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.