325Kmની ઝડપ! એસ્ટન માર્ટિને ભારતમાં આ શાનદાર સ્પોર્ટ્સ કાર લોન્ચ કરી

અગ્રણી બ્રિટિશ લક્ઝરી કાર ઉત્પાદક એસ્ટન માર્ટિને નવી એસ્ટન માર્ટિન વેન્ટેજ સ્પોર્ટ્સ કાર લોન્ચ કરીને ભારતીય બજારમાં તેના વાહન પોર્ટફોલિયોને અપડેટ કર્યો છે. આકર્ષક દેખાવ અને શક્તિશાળી એન્જિનથી સજ્જ આ સ્પોર્ટ્સ કારની પ્રારંભિક કિંમત 3.99 કરોડ રૂપિયા (એક્સ-શોરૂમ) નક્કી કરવામાં આવી છે. કંપનીએ આ કારમાં એક્સટીરિયરથી લઈને ઈન્ટીરીયર સુધી ઘણા મોટા ફેરફારો કર્યા છે, જે તેને પહેલાના મોડલ કરતા વધુ સારી બનાવે છે.

લુક અને ડિઝાઈનની વાત કરીએ તો, નવા વેન્ટેજમાં કેટલાક કોસ્મેટિક ફેરફાર જોવા મળે છે. તેમાં નવું બમ્પર અને ફ્રન્ટ ગ્રીલ આપવામાં આવી છે. આ સિવાય, સ્ટાન્ડર્ડ LED હેડલાઇટ્સ સાથેની પહોળી રેડિએટર ગ્રિલ તેના આગળના દેખાવને સુધારે છે. કંપનીએ તેને 21 ઇંચના વ્હીલ્સ આપ્યા છે, જે મિશેલિન ટાયરથી સજ્જ છે. કારના પાછળના ભાગમાં કેટલાક કોસ્મેટિક ફેરફાર પણ કરવામાં આવ્યા છે.

કેબિનને પ્રીમિયમ અને લક્ઝુરિયસ બનાવવા માટે કોઈ કસર બાકી રાખવામાં આવી નથી. તેમાં DB12 જેવા ફેરફાર જોવા મળે છે. અંદર પ્રવેશતાની સાથે જ તમારી નજર સીધી 10.27 ઇંચની ઇન્ફોટેનમેન્ટ સિસ્ટમ પર પડે છે. આ કારમાં Bowers & Wilkins ઓડિયો સિસ્ટમ આપવામાં આવી છે. આ સિવાય લાઇટવેઇટ કાર્બન ફાઇબર મટિરિયલ સાથે લેધર સીટ્સ કેબિનની સુંદરતામાં વધારો કરે છે.

આ સ્પોર્ટ્સ કારમાં સૌથી મોટો ફેરફાર તેના એન્જિન કમ્પાર્ટમેન્ટમાં જોવા મળે છે. કંપનીએ AMGમાંથી મેળવેલ નવા 4.0 લિટર V8 એન્જિનનો ઉપયોગ કર્યો છે. જે 155PSનો વધારાનો પાવર અને 115Nmનો ટોર્ક જનરેટ કરે છે. કંપનીનું કહેવું છે કે, અગાઉના મોડલની સરખામણીમાં આ એન્જિનનું પાવર આઉટપુટ 30 ટકા અને ટોર્ક લગભગ 15 ટકા વધ્યું છે. હવે આ એન્જિન 665PSનો પાવર અને 800Nmનો ટોર્ક જનરેટ કરે છે. દેખીતી રીતે, આવું શક્તિશાળી એન્જિન કારને વેગ આપવા માટે ઘણી મદદ કરશે.

કંપનીએ આ એન્જિનને 8-સ્પીડ ZF ઓટોમેટિક ગિયરબોક્સ સાથે જોડી દીધું છે, જે પાછળના વ્હીલમાં પાવરનું વિતરણ કરે છે. કંપનીનો દાવો છે કે, આ કાર માત્ર 3.4 સેકન્ડમાં 0 થી 100 Km/કલાકની સ્પીડ પકડવામાં સક્ષમ છે અને તેની ટોપ સ્પીડ 325 Km પ્રતિ કલાક છે.

એસ્ટન માર્ટિન એમ પણ કહે છે કે, કારના કેટલાક ટ્રેક્શન-મેનેજમેન્ટ મોડ્સ, લોંચ કંટ્રોલ સિસ્ટમ અને ઈલેક્ટ્રોનિક પાવર સ્ટીયરિંગને પરફોર્મન્સ અને ડ્રાઈવિંગ અનુભવને સુધારવા માટે બદલવામાં આવ્યા છે. આ તમામ ટેક્નોલોજી બ્રેકિંગ સિસ્ટમથી નિયંત્રિત થાય છે. જેમાં ફ્રન્ટમાં છ-પિસ્ટન કેલિપર્સ સાથે 400 mm સ્ટીલ રોટર્સ અને પાછળના ભાગમાં ચાર-પિસ્ટન કેલિપર્સ સાથે 360 mm રોટર્સ આપવામાં આવ્યા છે. આ સિવાય કાર્બન સિરામિકનો સેટ પણ વિકલ્પ તરીકે ઓફર કરવામાં આવે છે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.