કાર અકસ્માતમાં હૉકીના 4 રાષ્ટ્રીય ખેલાડીઓના મોત, 3 ગંભીર

PC: dbpost.com

હોશંગાબાદમાં સોમવાર સવારે એક મોટી દુર્ઘટના સર્જાઈ, જ્યાં એક પુરાપાટે ઝડપથી આવતી કાર અનિયંત્રિત થઈ જતા ઝાડ સાથે અથડાઈ હતી. આ દુર્ઘટનામાં ઘટનાસ્થળ પર જ 4 રાષ્ટ્રીય સ્તરના હૉકી પ્લેયર્સનું મોત થયું છે, જ્યારે અન્ય ત્રણ ખેલાડીઓ ગંભીર રીતે ઈજાગ્રસ્ત થયા છે. આ તમામ ખેલાડી ધ્યાનચંદ હોકી ટૂર્નામેન્ટ રમવા આવ્યા હતા અને હોશંગાબાદથી ઈટારસી જઈ રહ્યાં હતા. તે દરમ્યાન આ દુર્ઘટના સર્જાય હતી.

રિપોર્ટ અનુસાર, જે સમયે આ દુર્ઘટના સર્જાય ત્યારે કારમાં કુલ 7 પ્લેયર્સ બેઠા હતા. ઝાડ સાથે અથડાયા પછી કાર અનિયંત્રિત થતા પલટી મારી ગઈ હતી અને રસ્તા પરથી નીચે ઉતરી ગઈ હતી. દુર્ઘટના એટલી ભીષણ હતી કે ઘટના સ્થળે જ ચાર ખેલાડીઓનું મોત થયું હતું. જ્યારે અન્ય ત્રણ ખેલાડીઓની હાલત ગંભીર હોવાથી સારવાર માટે તાત્કાલીક હોસ્પિટલ ખસેડવામાં આવ્યા હતા. મૃતક ખેલાડીઓના નામ શાહનવાઝ ખાન, આદર્શ હરદુઆ, આશીષ લાલા અને અનિકેત છે.

દુર્ઘટનાની જાણકારી મળ્યા બાદ CM કમલનાથે પણ શોક વ્યક્ત કર્યો હતો. ટ્વીટમાં તેમણે લખ્યું, હોશંગાબાદમાં હોકી ટૂર્નામેન્ટમાં સામેલ થવા જઈ રહેલા હોકી ખેલાડીઓના વાહનનો રૈસલપુર ગામ નજીક અકસ્માત સર્જાવવાની દુર્ઘટના બની છે. દુર્ઘટનામાં મૃતક ખેલાડીઓના પરિવાર પ્રતિ મારી શોક સંવેદનાઓ.

તો બીજી તરફ પૂર્વ મુખ્યમંત્રી શિવરાજ સિંહ ચૌહાણે પણ દુર્ઘટના પર દુઃખ વ્યક્ત કરતા કહ્યું કે, રૈસલપુર, હોશંગાબાદમાં ધ્યાનચંદ્ર ટ્રોફી રમાવવા જઈ રહેલા હોકી ખેલાડી શાહનવાઝ ખાન, આદર્શ હરદુઆ, આશીષ લાલા અને અનિકેતના માર્ગ અકસ્માતમાં મોતના દુઃખદ સમાચાર મળ્યા છે.

ભગવાનથી પ્રાર્થના છે કે તેમની આત્માને શાંતિ મળે અને તેમના પરિવારજનોને આ દુઃખ સહન કરવાની શક્તિ આપે.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.

ગુજરાતનું અગ્રેસર ન્યૂઝ પોર્ટલ, અહીં વાત થાય છે માત્ર ગુજરાત અને ગુજરાતનાં હિતની... Download Khabarchhe APP www.khabarchhe.com/downloadApp