બીજી ટેસ્ટઃ ભારતીય ટીમના પ્લેઇંગ ઇલેવનમાં થયો આ મોટો ફેરફાર

ભારત અને દક્ષિણ આફ્રિકા વચ્ચે ત્રણ મેચની ટેસ્ટ સિરીઝની બીજી મેચ પુણેના એમસીએ સ્ટેડિયમ ખાતે રમાઇ રહી છે. ટોસ જીતીને ટીમ ઈન્ડિયાના કેપ્ટન વિરાટ કોહલીએ પ્રથમ બેટિંગ કરવાનો નિર્ણય લીધો છે અને યજમાન આફ્રિકાને પહેલા બોલિંગ માટે મેદાનમાં ઉતરવા પડકાર આપ્યો છે. ટીમ ઈન્ડિયામાં એક ફેરફાર કરવામાં આવ્યો છે. મધ્યમ ક્રમના બેટ્સમેન હનુમા વિહારીની જગ્યાએ ઉમેશ યાદવને પ્લેઇંગ ઇલેવનમાં તક આપવામાં આવી છે. દક્ષિણ આફ્રિકાએ ડેન પીટની જગ્યાએ છેલ્લા-11 માં એરિક નોર્ટ્જેનો સમાવેશ કર્યો છે.

જો વિજય રથ પર સવાર ભારતીય ટીમ આ મેચ રમવા ઉતરશે તો ટીમનો હેતુ વિજયની લય જાળવી રાખીને શ્રેણી પોતાના નામે રાખવાનો રહેશે. બીજી તરફ દક્ષિણ આફ્રિક શરમજનક પરાજયના દુખને ભૂલાવાને અને શ્રેણીમાં પોતાનું અસ્તિત્વ જાળવી રાખવા મેદાને ઉતરી છે. ટીમ ઈન્ડિયાને ત્રણ ટેસ્ટ મેચની શ્રેણીમાં 1-0ની સરસાઇ મેળવી છે.

 ભારતીય ટીમ ઘરેલુ ધરતી પર સતત 11 ટેસ્ટ શ્રેણીમાં રેકોર્ડ જીત તરફ નજર મંડાઇ છે. ટીમ ઈન્ડિયા ફેબ્રુઆરી 2013 થી સતત તેની ધરતી પર ટેસ્ટ સિરીઝ જીતી રહી છે. હાલમાં ભારત અને ઓસ્ટ્રેલિયા સતત 10-10 ટેસ્ટ હોમ સીરીઝ જીતીને બરાબર છે. ઓસ્ટ્રેલિયાએ તેની ધરતી પર બે વાર (નવેમ્બર 1994 થી નવેમ્બર 2000 અને જુલાઈ 2004 થી નવેમ્બર 2008) સતત 10 ટેસ્ટ શ્રેણી જીતી છે.

ભારત: વિરાટ કોહલી (કેપ્ટન), મયંક અગ્રવાલ, રોહિત શર્મા, ચેતેશ્વર પૂજારા, અજિંક્ય રહાણે, રિદ્ધિમાન સાહા, રવિચંદ્રન અશ્વિન, રવિન્દ્ર જાડેજા, મોહમ્મદ શમી, ઉમેશ યાદવ અને ઇશાંત શર્મા

સાઉથ આફ્રિકા: ફાફ ડુ પ્લેસિસ (કેપ્ટન), ટેમ્બા બાવુમા, થ્યુનિસ ડી બ્રુયન, ક્વિન્ટન ડી કોક, ડીન એલ્ગર, કેશવ મહારાજ, એડેન માર્કરામ, સેનુરન મુથુસામી, એરિક નોર્ટ્જે, વર્નોન ફિલાન્ડર અને કગિસો રબાડા.

નીચે આપેલી લીંક પર ક્લિક કરીને જોડાઓ khabarchhe.com ન્યૂઝ સાથે.

તમે અમને ફેસબુક, ટ્વીટર, ટેલીગ્રામ, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો khabarchhe.com ની મોબાઇલ એપ્લિકેશન.